ലക്ഷദ്വീപിലെ പൊലീസ് നടപടികള്‍ക്കെതിരായ ഹര്‍ജിയില്‍ ഹൈക്കോടതി ഇടപ്പെട്ടു. പ്രതിഷേധക്കാരെ നോട്ടിസ് നല്‍കി ചോദ്യം ചെയ്ത് കൂടേയെന്ന് വാദത്തിനിടെ കോടതി ചോദിച്ചു. കില്‍ത്താനില്‍ അറസ്റ്റിലായവര്‍ക്കെതിരെ ചുമത്തിയ വകുപ്പുകളും സ്വീകരിച്ച നടപടികളും വ്യക്തമാക്കാന്‍ ലക്ഷദ്വീപ് ഭരണകൂടത്തിന് ഹൈക്കോടതി നിര്‍ദേശം നല്‍കി.
അറസ്റ്റിലായവര്‍ വാര്‍ത്ത സൃഷ്ടിക്കാന്‍ വേണ്ടി വിവാദങ്ങള്‍ ഉണ്ടാക്കിയതാണെന്ന് ലക്ഷദ്വീപ് ഭരണകൂടം കോടതിയെ ബോധിപ്പിച്ചു. ലക്ഷദ്വീപ് സ്റ്റാന്‍ഡിംഗ് കോണ്‍സല്‍ ഇന്റലിജന്‍സ് വിവരശേഖരണം നടക്കുന്നുണ്ടെന്നും അത് തടയാനാകില്ലെന്നും നിലപാടെടുത്തു.
