കേരള നിയമസഭയില്‍ തിങ്കളാഴ്ച, ലക്ഷദ്വീപ് പരിഷ്ക്കാരങ്ങൾക്കെതിരായി നടക്കുന്ന പ്രതിഷേധത്തിന് പിന്തുണയറിയിച്ച് പ്രമേയം കൊണ്ടുവരും. ഇന്ന് ചേര്‍ന്ന കാര്യോപദേശ സമിതിയാണ് പ്രമേയാവതരണത്തിന്റെ കാര്യം തീരുമാനിച്ചത്. ലക്ഷദ്വീപ് നിവാസികളുടെ പ്രതിഷേധങ്ങള്‍ക്കൊപ്പം നില്‍ക്കുന്ന നിലപാടാകും കേരളം സ്വീകരിക്കുക.
അഡ്മിനിസ്ട്രേറ്ററുടെ നടപടിയില്‍ എതിര്‍പ്പ് രേഖപ്പെടുത്തുന്ന പ്രമേയം മുഖ്യമന്ത്രി പിണറായി വിജയന്‍ അവതരിപ്പിക്കും. ഭരണ പ്രതിപക്ഷ അംഗങ്ങള്‍ ഒരുമിച്ച്‌ പിന്തുണച്ച്‌ പ്രമേയം പാസാക്കാനാണ് ഇരുപക്ഷവും തീരുമാനിച്ചിട്ടുള്ളത്.
