സംവിധായകനും, നടനുമായി മലയാളസിനിമയിൽ തിളങ്ങുന്ന യുവതാരമാണ് വിനീത് ശ്രീനിവാസൻ. താരസംഘടനയായ അമ്മയിൽ മെമ്പർഷിപ്പ് എടുക്കാത്തതിന്റെ കാരണം വ്യക്തമാക്കിയിരിക്കുകയാണ് നടൻ. ഒരു അഭിമുഖത്തിൽ, വിനീത് ശ്രീനിവാസൻ പറഞ്ഞ വാക്കുകൾ ഇങ്ങനെയാണ്
“അമ്മയില്‍ വൈകി മെമ്പർഷിപ്പ് എടുത്തതിനു പ്രത്യേകിച്ച് കാരണമൊന്നുമില്ല. ഓര്‍മ്മയുണ്ടോ ഈ മുഖം – എന്ന സിനിമയ്ക്ക് ശേഷമാണ് ഞാന്‍ അമ്മയില്‍ അംഗമാകുന്നത്. അതിനു മുന്‍പേ മെമ്പര്‍ഷിപ്പ് എടുത്തിരുന്നില്ല. സംവിധാനം – ഫോക്കസ് ചെയ്യാന്‍ ആഗ്രഹിച്ച ഞാന്‍ ഒരു നടനായി മലയാള സിനിമയില്‍ തുടരും എന്നൊന്നും ആദ്യം ചിന്തിച്ചില്ല. അഭിനയമല്ലായിരുന്നു എന്റെ ലക്ഷ്യം. പിന്നീട് ജൂഡിന്‍റെ ഓംശാന്തി ഓശാന ചെയ്തു കഴിഞ്ഞപ്പോള്‍ അഭിനയവും കൂടി കൊണ്ടുപോകാം എന്ന് തീരുമാനിച്ചു. അങ്ങനെയാണ് ഓര്‍മ്മയുണ്ടോ ഈ മുഖം എന്ന സിനിമയ്ക്ക് ശേഷം ഞാന്‍ അമ്മയില്‍ അംഗമായത്. ഇതുവരെ ഞാന്‍ ഇരുപതിനകത്ത് സിനിമകളില്‍ മാത്രം അഭിനയിച്ച നടനാണ്‌”
