കോവിഡ് മഹാമാരിയില്‍ വിദേശങ്ങളിൽ കുടുങ്ങി കിടക്കുന്ന പ്രവാസികളുടെ ഇഖാമയും റീ എൻട്രിയും നീട്ടി നൽകാൻ സൗദി ഭരണാധികാരി സൽമാൻ രാജാവ് ഉത്തരവ് നൽകി. 2021 ജൂൺ രണ്ടു വരെയുള്ള ഇഖാമ, റീ എൻട്രി വിസകൾ പുതുക്കുന്നതിനുള്ള ഇതിനുള്ള നടപടി ക്രമങ്ങൾ പൂർത്തിയാക്കാൻ സഊദി പാസ്പോർട്ട് വിഭാഗത്തിന് നിർദേശം നൽകിയിട്ടുണ്ട്.
വിസിറ്റിങ് വിസയും സൗജന്യമായി നീട്ടി നൽകാൻ നിർദേശമുണ്ട്. നേപ്പാൾ, ബഹ്‌റൈൻ തുടങ്ങിയ രാജ്യങ്ങളിൽ കുടുങ്ങിയിരിക്കുന്ന നിരവധി മലയാളികൾക്കും രാജാവിന്റെ നിർദേശം ആശ്വാസമാണ്.ബഹറൈന്‍ ദുബായ് ഒമാന്‍ മാലിദീപ്, നേപ്പാള്‍ വഴിയാണ് നിലവില്‍ മലയാളികള്‍ ഉള്‍പ്പടെയുള്ള പ്രവാസികള്‍ സൗദിയില്‍ എത്തിയിരുന്നത് നിലവില്‍ ഈ രാജ്യങ്ങള്‍ എല്ലാം ഇന്ത്യയില്‍ നിന്നുള്ള യാത്രക്ക് വിലക്ക് എര്പെടുത്തിയിരിക്കുകയാണ്.
