ഡല്‍ഹിയില്‍ കഴിഞ്ഞ 24 മണിക്കൂറിനിടെ ടെസ്റ്റ് പോസിറ്റിവിറ്റി നിരക്കില്‍ 14 ശതമാനം കുറവുണ്ടായതായി ഉപമുഖ്യമന്ത്രി മനീഷ് സിസോദിയ അറിയിച്ചു. അതേസമയം സംസ്ഥാനത്തു നിലവില്‍ ഓക്‌സിജന്‍ മിച്ചം ഉണ്ടെന്നും അത് മറ്റ് സംസ്ഥാനങ്ങള്‍ക്ക് നല്‍കാന്‍ തയാറാണെന്നും സിസോദിയ വ്യക്തമാക്കി.
രാജ്യത്തെ കൊവിഡ് ബാധ രൂക്ഷമായി തുടരുന്നു. കഴിഞ്ഞ 24 മണിക്കൂറിനിടെ ഇന്ത്യയില്‍ മൂന്നുലക്ഷത്തിഅറുപത്തിരണ്ടായിരത്തിലേറെ പേര്‍ക്ക് കൊവിഡ് സ്ഥിരീകരിച്ചു, 4120 കൊവിഡ് മരണങ്ങളും റിപ്പോര്‍ട്ട് ചെയ്തു. കൊവിഡ് നിയന്ത്രണങ്ങള്‍ ജൂണ്‍ ഒന്നുവരെ നീട്ടാന്‍ മഹാരാഷ്ട്ര സര്‍ക്കാര്‍ തീരുമാനിച്ചു.
