തിരുവനന്തപുരം: മാതാവിനെയും മകനെയും ആക്രമിച്ച കേസിലെ പ്രതിയെ പൊലീസ് പിടികൂടി. തിരുവല്ലം പൂങ്കുളം എൽ.പി.എസിനു സമീപം ചരുവിള പുത്തൻ വീട്ടിൽ ചമ്മന്തി ശരത് എന്ന 29-കാരനെയാണ് തിരുവല്ലം പൊലീസ് അറസ്റ്റ് ചെയ്തത്. കഴിഞ്ഞ വെള്ളിയാഴ്ച വൈകീട്ടാണ് കേസിനാസ്പദമായ സംഭവം നടന്നത്. കായൽക്കര എൻ.എസ്.എസ റോഡിൽ വെച്ചാണ് സ്ത്രീയെയും മകനെയും ശരത്ത് ആക്രമിച്ചത്. അടിപിടി, പിടിച്ചുപറി, തുടങ്ങി നിരവധി കേസുകളിലെ പ്രതിയായ ഇയാളുടെ വീട് ഇവർ പൊലീസിന് കാണിച്ചുകൊടുത്തെന്ന തെറ്റിദ്ധാരണയാണ് ആക്രമണത്തിന് പിന്നിലെ കാരണം. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
