മുംബൈ: കളിക്കുന്നതിനിടെ തിളച്ച എണ്ണയുള്ള പാത്രത്തിലേക്ക് വീണ് ആറ് വയസുകാരിക്ക് ദാരുണാന്ത്യം. വൈഷ്ണവി സമാധാൻ പവാർ ആണ് മരണപ്പെട്ടത്. മഹാരാഷ്ട്രയിലെ നാസിക് ജില്ലയിലാണ് സംഭവം. അച്ഛന്റെ ഭക്ഷണ നിര്‍മാണ ശാലയിൽ തിളച്ച എണ്ണയുടെ വലിയ പാത്രത്തിലാണ് പെൺകുട്ടി മരിച്ചതെന്ന് പൊലീസിനെ ഉദ്ധരിച്ച് എൻഡിടിവി റിപ്പോര്‍ട്ട് ചെയ്തു.
മാർച്ച് 30-ന് സറ്റാന താലൂക്കിലെ ലഖമാപൂർ ഗ്രാമത്തിലായിരുന്നു സംഭവം നടന്നത്. ഞായറാഴ്ചയാണ് പൊള്ളലേറ്റ നിലയിൽ കുട്ടിയെ ആശുപത്രിയിൽ എത്തിച്ചത്. പിന്നാലെ മരണത്തിന് കീഴടങ്ങുകയായിരുന്നു.കളിക്കുന്നതിനിടെ ബാലൻസ് നഷ്ടപ്പെട്ട് ചൂടുള്ള എണ്ണ നിറച്ച പാത്രത്തിൽ വീഴുകയായിരുന്നുവെന്നും പൊലീസ് പറഞ്ഞു.
