ദീപാവലി തിരക്ക് കണക്കിലെടുത്ത് പട്ന-ന്യൂഡൽഹി വന്ദേ ഭാരത് ട്രെയിൻ ആറ് സ്റ്റോപ്പുകളിൽ നിർത്തുമെന്ന് നോർത്തേൺ റെയിൽവേ ചീഫ് പബ്ലിക്ക് റിലേഷൻസ് ഓഫീസർ ദീപക് കുമാർ വ്യക്തമാക്കി.
സ്പെഷ്യൽ ട്രെയിനുകളും ഉണ്ടാകുമെന്ന് റെയിൽവേ അറിയിച്ചു. ഇതുവരെ 52 പ്രത്യേക ട്രെയിനുകൾക്ക് അനുമതി നൽകിയിട്ടുണ്ട്. 522 ട്രിപ്പുകൾ സ്പെഷ്യൽ ട്രെയിനുകൾ നടത്തും. ഏകദേശം 18 ലക്ഷം സീറ്റുകൾ നൽകാനാണ് നോർത്തേൺ റെയിൽവേയുടെ ശ്രമം.
കാൺപൂർ സെൻട്രൽ, പ്രയാഗ്രാജ് ജംഗ്ഷൻ, പണ്ഡിറ്റ് ദീൻ ദയാൽ ഉപാധ്യായ ജംഗ്ഷൻ, ബക്സർ, ആരാഹ് ജംഗ്ഷൻ എന്നിവിടങ്ങളിൽ ട്രെയിനിന് സ്‌റ്റോപ്പുണ്ടാകും.
ട്രെയിൻ നമ്പർ 02252 – ന്യൂഡൽഹിയിൽ നിന്ന് പട്ന ജംഗ്ഷനിലേക്ക് രാവിലെ 7.25-ന് പുറപ്പെടും. വൈകുന്നേരം ഏഴ് മണിക്ക് പട്നയിലെത്തും. ഈ ട്രെയിൻ നവംബർ 11, 14, 16 തീയതികളിൽ ഓടും.
