ഡൽഹി: മുതിർന്ന നേതാവ് അജയ് മാക്കൻ കോൺഗ്രസ് ദേശീയ ട്രഷറർ. പവൻ കുമാർ ബൻസാലിന് പകരക്കാരനായിട്ടാണ് അജയ് മാക്കനെ നിയോഗിച്ചത്. കോൺഗ്രസ് ദേശീയ പ്രസിഡന്റ് മല്ലികാർജുൻ ഖാർഗെ ഇതുസംബന്ധിച്ച ഉത്തരവ് പുറത്തിറക്കി.
എഐസിസി ജനറൽ സെക്രട്ടറിയായി പ്രവർത്തിച്ച അജയ് മാക്കൻ നിലവിൽ പ്രവർത്തക സമിതി അംഗമാണ്. മൻമോഹൻ സിങ് സർക്കാരിൽ രണ്ട് വട്ടം കേന്ദ്ര മന്ത്രിയായിരുന്നു അദ്ദേഹം. ഡൽഹിയിൽ ഷീലാ ദീക്ഷിത് സർക്കാരുകളിലും വിവിധ വകുപ്പുകൾ കൈകാര്യം ചെയ്തിട്ടുണ്ട്.
2004 മുതൽ 2014 വരെ രണ്ടു തവണയാണ് ലോക്‌സഭാ അംഗമായത്. 1993 മുതൽ 2004 വരെ മൂന്ന് തവണ നിയമസഭാ അംഗവുമായിരുന്നു. ഡൽഹി പ്രദേശ് കോൺഗ്രസ് അധ്യക്ഷനുമായിട്ടുണ്ട് മാക്കൻ.
